Dial 112 वर खोटा कॉल करून पोलिसांची दिशाभूल करणाऱ्या इसमाविरुद्ध गुन्हा दाखल. ढाणकी
Dial 112 वर खोटा कॉल करून पोलिसांची दिशाभूल करणाऱ्या इसमाविरुद्ध गुन्हा दाखल.
ढाणकी
_बिटरगाव पोलीस स्टेशन हद्दीत दिनांक 23/02/2026 रोजी वेळ सुमारे 19.32 वाजता Dial 112 कंट्रोल रूमवर मोबाईल वरून कॉल प्राप्त झाला. सदर कॉलमध्ये फोन करणाऱ्या इसम नामे रघुनाथ दत्ता माणिकवाड वय 28 वर्ष रा. करंजी ता . उमरखेड, त्याला 8 ते 10 अनोळखी व्यक्तींनी मारहाण केल्याची खोटी माहिती देऊन तात्काळ पोलिस मदत मागितली.
मिळालेल्या माहितीनुसार ठाणेदार पांडुरंग शिंदे यांनी सदर घटनेचे गांभीर्य लक्षात घेऊन तात्काळ पोहेका रवी गिते, मोहन चाटे, अर्जुन राठोड, पोका प्रवीण जाधव, शरद चव्हाण असे पोलीस पथक ग्राम करंजी ठिकाणी रवाना केले . पोलिसांनी घटनास्थळी पोहोचून कॉलर कॉल केला असता रघुनाथ दत्ता माणिकवाड याने स्वतःचा मोबाईल बंद केला. गावामध्ये तपासणी केली असता कॉलर ला कोणतीही मारहाण अथवा अनुचित घटना घडलेली नसल्याचे आढळून आले. तसेच गावातील लोकांना घटनेबाबत विचारले असता तसा कोणताही प्रकार झाला नसल्याचे निदर्शनास सांगितले तसेच फोन करणारी व्यक्तीही तेथे आढळून आली नाही.
तपासाअंती सदर कॉल हा जाणीवपूर्वक खोटा व पोलिसांची दिशाभूल करणारा असल्याचे निष्पन्न झाले.
आरोपी रघुनाथ माणिकवाड याने डायल 112 वर वारंवार खोटे कॉल करून पोलिसांचे मनुष्यबळ, वेळ व शासकीय साधनसामग्री यांचा अपव्यय केला आहे.यामुळे सदर प्रकरणी आरोपी विरुद्ध प्रवीण जाधव यांचे फिर्याद वरून भा.न्या. सं. कलम 217, 221 तसेच इतर लागू तरतुदींनुसार गुन्हा दाखल करण्यात आला असून पुढील तपास ठाणेदार पांडुरंग शिंदे यांचे मार्गदर्शन खाली HC संतोष चव्हाण करीत आहे.
नागरिकांना आवाहन:
आपत्कालीन सेवा क्रमांक 112 हा नागरिकांच्या तातडीच्या मदतीसाठी असून त्याचा गैरवापर करणे हा कायद्याने गुन्हा आहे. खोटे कॉल केल्यास संबंधित व्यक्तीवर कठोर कायदेशीर कारवाई करण्यात येईल.
अधिक माहितीकरिता संपर्क :
सपोनि पांडुरंग शिंदे,
पोलीस स्टेशन बिटरगाव
