ढाणकी येथे शांतता कमिटीची सभा व सामाजिक कार्य करणाऱ्याचा सन्मान व अनाथ नरेंद्रला पाच हजार व एक ड्रेसची मदत – ठाणेदार सुजाता बनसोड

ढाणकी येथे शांतता कमिटीची सभा व सामाजिक कार्य करणाऱ्याचा सन्मान व अनाथ नरेंद्रला पाच हजार व एक ड्रेसची मदत – ठाणेदार सुजाता बनसोड

ढाणकी

सन व उत्सवाहाची  सुरूवात गणेशोत्सव, नवरात्र उत्सव, धम्मचक्र प्रवर्तन दिन, दसरा, दिवाळी या सणांच्या पार्श्वभूमीवर, बिटरगाव पोलीस स्टेशनच्या वतीने शांतता सभेचे आयोजन ढाणकी  येथे करण्यात आले होते. यावर्षीची ढाणकी येथील शांतता कमिटीची सभा अनोख्या पद्धतीने साजरी झाली. बिटरगाव पोलीस स्टेशनच्या कर्तव्यदक्ष महिला ठाणेदार सुजाता बनसोड यांनी, सभेसाठी उपस्थित शहरातील नेतेमंडळी, विविध पक्षाचे पदाधिकारी, पत्रकार बांधव, सामाजिक कार्यकर्ते या सर्वांना राखी बांधून शांतता कमिटीची सुरुवात करण्यात आली.
त्यानंतर शहरातील काही सामाजिक कार्य करणाऱ्या लोकांचा, बिटरगांव पोलीस स्टेशन तर्फे यथोचित मान सन्मान व सत्कार करण्यात आला. यामध्ये संपूर्ण श्रावण महिना ढाणकी शहरात वैद्यकीय सेवा मोफत देणारे डॉक्टर दिनेश जयस्वाल, यांचा सत्कार करण्यात आला. त्यानंतर शहरातील मृत किंवा रुग्ण यांना स्वतःच्या गाडीने अगदी कमी दरात सेवा पुरवणाऱ्या, खाजगी वाहनधारक अनिल तोडक यांचा सत्कार करण्यात आला. त्यानंतर पोलीस स्टेशनच्या कुठल्याही कार्यक्रमात साऊंड व खुर्ची याची व्यवस्था करणारे सतीश मुनेश्वर यांचा सत्कार करण्यात आला. आणि विशेष उल्लेखनीय ढाणकी येथील कांचन गुलाबसिंह ठाकुर यांची, बस प्रवासात चार चोरट्यांनी पर्स चोरी केली, त्या चोरांना एका महिलेने हिमतीने पोलिसांच्या ताब्यात दिल्याबद्दल, त्यांचा सुद्धा सत्कार करण्यात आला.
आणि नुकतेच ढाणकीतील कविता नारमवाड या महिलेचा तिच्या पतीने निर्घृण खून केला, ती महिला गेल्यानंतर तिचा एकुलता एक मुलगा नरेंद्र हा अनाथ झाला, नरेंद्रला बिटरगाव पोलीस स्टेशन तर्फे ५००० रुपये व एक ड्रेस अशी मदत सुजाता बनसोड यांनी केली. तर राखी बांधल्यानंतर आलेली ओवाळणी जवळपास १० हजार ही सुद्धा आर्थिक मदत नरेंद्रला केली. याचबरोबर ठाणेदार सुजाता बनसोड यांनी उपस्थितांना आवाहन सुद्धा केले की, मायेच्या मायेला मुकलेल्या नरेंद्र यास, त्याच्या भविष्याकरिता दानशूर व्यक्तींनी पुढे येऊन नक्कीच मदत करावी.
उपस्थित सर्वपक्षीय मान्यवरांनी आपापले विचार व्यक्त केले. ढाणकीतील नागरिक हे जबाबदार नागरिक असून, ते नक्कीच पोलीस प्रशासनाला सहकार्य करतील अशी खात्री असून, कायदा सुव्यवस्था बिघडणार नाही याची सर्वांनीच काळजी घ्यावी. कायदा हा जात,धर्म, गरीब, श्रीमंत कुणी न बघता सर्वांना समान असतो. त्यामुळे कायदा कुणी हाती घेऊ नये. आणि सर्व सण उत्सव हे एकात्मतेने व बंधुभावाने पार पाडावे. असे विचार ठाणेदार सुजाता बनसोड यांनी यावेळी व्यक्त केले.
सदर कार्यक्रमास कृषी उत्पन्न बाजार समिती सभापती बाळासाहेब चंद्रे पाटील, उपनगराध्यक्ष जहीर जमीनदार, स्वीकृत नगरसेवक खाजा कुरेशी, माजी जि. प. सदस्य रामराव गायकवाड, रमेश गायकवाड, राष्ट्रीय स्वयंसेवक संघाचे तालुका संघ चालक आनंदराव चंद्रे, व्यापारी महासंघाचे अध्यक्ष अॅड. अनिल येरावार हे प्रमुख पाहुणे म्हणून उपस्थित होते. कार्यक्रमाचे सूत्रसंचालन पत्रकार नागेश महाजन यांनी केले, तर आभार प्रदर्शन पोलीस उपनिरीक्षक शिवाजी टिपुर्णे यांनी केले.
कार्यक्रमाच्या यशस्वीतेसाठी बीट जमादार मोहन चाटे, दत्ता कुसराम, देविदास हाके, निलेश भालेराव, होमगार्ड वाढवे यासह बिटरगाव पोलीस स्टेशनच्या सर्व कर्मचाऱ्यांनी अथक परिश्रम घेतले.