बकरी ईद निमित्त गोवंश हत्या बंदी कायद्याची अंमलबजावणी करा. बजरंग दलाचे बिटरगांव पोलीसांना निवेदन
बकरी ईद निमित्त गोवंश हत्या बंदी कायद्याची अंमलबजावणी करा.
बजरंग दलाचे बिटरगांव पोलीसांना निवेदन
ढाणकी
आगामी २७ मे रोजी बकरी ईद सणाच्या पार्श्वभूमीवर, ढाणकी व परिसरात कुठेही गोवंशाची कत्तल होऊ नये, गोहत्या बंदी कायद्याची कडक अंमलबजावणी व्हावी. जेणेकरून शहरातील शांतता, सामाजिक सलोखा,कायदा व सुव्यवस्था अबाधित रहावी. कुठलाही अनुचित प्रकार घडू नये याकरिता पोलीस प्रशासनामार्फत योग्य ती खबरदारी घ्यावी.
अशा आशयाचे निवेदन बजरंग दल ढाणकी मार्फत बिटरगांव पोलीस स्टेशनचे ठाणेदार यांना देण्यात आले.
*चौकट :*
गोवंशास हिंदू धर्मात मातेसमान दर्जा दिला जातो. कुणीही, कुठल्याही धर्माच्या आस्थेचा, श्रध्देचा अनादर न करता, सामाजिक सलोखा, कायदा व सुव्यवस्था राखण्यास पोलीस प्रशासनास सहकार्य करावे.
अशी चर्चा यावेळी उपस्थितांकडून ऐकण्यात आली.
