सोयाबीनच्या गंजीला आग 2 लाख 40 हजार रुपयांचे नुकसान.सोन झाल राख

सोयाबीनच्या गंजीला आग; दोन लाख चाळीस हजार रुपयाचे नुकसान.
हदगाव :
शिवारातील गोरलेगाव रोडवर असलेल्या शेत सर्वे नंबर 139/ 3 मधील काढणीस तयार असलेले चार एकर सोयाबीनचे काढ अज्ञात इसमाने दिनांक 14 रोजी सायंकाळी सातच्या सुमारास पेटवून दिले. यामुळे शेतकरी लक्ष्मण अंबाजी यांचे 40 क्विंटल सोयाबीन अंदाजे किंमत दोन लाख 40 हजार रुपये किमतीचे सोयाबीन पूर्णपणे जळून खाक झाले.
हदगाव गोरलेगाव रोडवर लक्ष्मण आंबाजी डुरके यांचे शेत आहे. शेतामध्ये कापून ठेवलेले चार बॅकचे (सोयाबीन 40 क्विंटल अंदाजे)अज्ञात इसमांनी शेतात कोणी नसल्याची संधी साधत जाळून टाकले . लक्ष्मण डुरके यांच्या फिर्यादीवरून हदगाव पोलिसांनी अज्ञात व्यक्तीविरुद्ध गुन्हा दाखल केला असून पुढील तपास पोलीस निरीक्षक हनुमंत गायकवाड यांच्या मार्गदर्शनाखाली जमादार हंबर्डे करीत आहेत.