उमरखेड डि.बी पथकाची धडक कारवाई; अवैधरित्या तलवार बाळगणाऱ्यावर गुन्हा दाखल

उमरखेड पोलिसांची धडक कारवाई; अवैधरित्या तलवार बाळगणाऱ्यावर गुन्हा दाखल

उमरखेड, दि. २ जुलै : उमरखेड पोलिसांनी अवैधरित्या धारदार लोखंडी तलवार बाळगणाऱ्या एका इसमावर कारवाई करून तलवार जप्त केली आहे. ही कारवाई पोलिस स्टेशन उमरखेडच्या डी.बी. पथकाने गुप्त माहितीच्या आधारे केली.

पोलिसांनी दिलेल्या माहितीनुसार, १ जुलै २०२६ रोजी रात्री डी.बी. प्रमुख पोलिस उपनिरीक्षक शरद लोखंडे व डी.बी. स्टाफ पेट्रोलिंग करत असताना त्यांना गोपनीय माहिती मिळाली. त्यानुसार उमरखेड-ढाणकी मार्गावरील ढाणकी पुलाखाली सापळा रचून कारवाई करण्यात आली.

या कारवाईदरम्यान शेख जिब्राल शेख रहीम (वय २४, रा. आयुबाबा कॉलनी, उमरखेड) याला ताब्यात घेण्यात आले. त्याच्याकडून सुमारे २८ इंच लांबीची व १.५ इंच रुंदीची धारदार लोखंडी तलवार जप्त करण्यात आली. जप्त शस्त्राची अंदाजे किंमत ₹५०० असल्याचे पोलिसांनी सांगितले.

या प्रकरणी उमरखेड पोलिस ठाण्यात गुन्हा क्र. ४९२/२०२६ भारतीय हत्यार कायद्यानुसार दाखल करण्यात आला असून पुढील तपास सुरू आहे.

ही कारवाई पोलिस अधीक्षक यांच्या मार्गदर्शनाखाली पोलिस निरीक्षक शंकर पांचाळ यांच्या नेतृत्वात डी.बी. प्रमुख शरद लोखंडे व त्यांच्या पथकाने यशस्वीरीत्या पार पाडली.

अवैध शस्त्रे, अग्निशस्त्रे किंवा इतर बेकायदेशीर प्रकारांची माहिती नागरिकांनी तात्काळ पोलिसांना देण्याचे आवाहन उमरखेड पोलिसांनी केले आहे.