औदुंबर वृक्ष संवर्धन समिती व नारीशक्ती बहुउद्देशीय संस्थेकडून नागपूर ते पंढरपूर सायकल वारी करणाऱ्या टायगर ग्रुप ऑफ एडवेंचर नागपूरचे उत्स्फूर्त स्वागत उमरखेड | प्रतिनिधी

औदुंबर वृक्ष संवर्धन समिती व नारीशक्ती बहुउद्देशीय संस्थेकडून नागपूर ते पंढरपूर सायकल वारी करणाऱ्या टायगर ग्रुप ऑफ एडवेंचर नागपूरचे उत्स्फूर्त स्वागत

उमरखेड | प्रतिनिधी

नागपूर ते पंढरपूर अशी सायकल वारी करणाऱ्या टायगर ग्रुप ऑफ एडवेंचर, नागपूरच्या वारकऱ्यांचे उमरखेड येथे उपा अध्यक्ष दिपक ठाकरे सचिव विजय चौधरी ,दिलीप भंडारे औदुंबर वृक्ष संवर्धन समिती व अध्यक्ष सविता चंद्रे नारीशक्ती बहुउद्देशीय संस्था यांच्या वतीने उत्स्फूर्त स्वागत करण्यात आले.

यावेळी सायकल वारकऱ्यांचा वृक्ष देऊन सन्मान करण्यात आला तसेच त्यांच्या सामाजिक, पर्यावरणपूरक आणि आरोग्यदायी उपक्रमाचे कौतुक करण्यात आले. दरवर्षी सायकल वारीच्या माध्यमातून पर्यावरण संरक्षण, आरोग्य जागृती आणि वारकरी परंपरेचा संदेश समाजापर्यंत पोहोचविण्याचे कार्य टायगर ग्रुपकडून होत असते वर्षा गणिक ह्या ग्रुपमधील सदस्यांची संख्या वाढत असून ह्या वर्षी प्रथमच महिलांनीही उत्स्फूर्त सहभाग नोंदविल्याबद्दल उपस्थितांनी त्यांचे अभिनंदन केले.
याप्रसंगी नारीशक्ती संस्थेचे अध्यक्ष सविता चंद्रे यांनी सायकल वारीमध्ये सहभागी असलेल्या महिलांचे स्वागत केले
औदुंबर वृक्ष संवर्धन समिती व नारीशक्ती बहुउद्देशीय संस्थेच्या पदाधिकाऱ्यांनी वारकऱ्यांना पुढील प्रवासासाठी शुभेच्छा दिल्या. उपस्थितांनी “विठ्ठल नामाचा गजर” करत सायकल वारकऱ्यांचे उत्साहपूर्ण स्वागत केले.

हा स्वागत सोहळा सामाजिक बांधिलकी, पर्यावरण संवर्धन आणि अध्यात्माचा सुंदर संगम ठरला.