उमरखेड विधानसभेत काँग्रेस-शिवसेनेला खिंडार; डझनावर पदाधिकारी भाजपात दाखल

youtube

उमरखेड विधानसभेत काँग्रेस-शिवसेनेला खिंडार; डझनावर पदाधिकारी भाजपात दाखल

महागाव तालुक्यातील 15 सरपंच व प स माजी सभापती यांचा ही समावेश

प्रदेशाध्यक्ष चंद्रशेखर बावनकुळे यांच्या उपस्थितीत मुंबई येथे प्रवेश

उमरखेड प्रतिनिधी –

सद्यस्थितीत राज्यात सुरू असलेल्या पक्षप्रवेशाच्या घडामोडीत उमरखेड विधानसभाही मागे नाही. दि.13 फेब्रुवारी रोजी मुंबईस्थित भारतीय जनता पक्षाच्या कार्यालयात प्रदेशाध्यक्ष चंद्रशेखर बावनकुळे,ग्रामिण विकास मंत्री गिरीश महाजन ,यवतमाळ-पुसद जिल्ह्याचे समन्वयक नितीन भुतडा,आ.नामदेव ससाणे यांचे उपस्थितीत उमरखेड विधानसभेतील महागाव,उमरखेड, येथील काँग्रेस-शिवसेनेतील डझनावर पदाधिकाऱ्यांनी भाजपात जाहीर प्रवेश करून दोन्ही पक्षास खिंडार पाडले आहे.
आपण यवतमाळ-पुसद समन्वयक नितीन भुतडा आ ससाणे यांचे कार्येप्रणालीवर विश्वास ठेवत महागाव तालुक्यातील पंधरा ग्रामपंचायतीचे सरपंच व महागाव काँग्रेस पक्षाचे पंचायत समितीचे माजी सभापती यांनी भाजपात प्रवेश केल्याचे यावेळी प्रदेशाध्यक्ष बावनकुळे यांनी सांगितले.
काँग्रेस पक्षाचे उमरखेड जिनिंग प्रेसिंग सहकारी संस्थेचे उपाध्यक्षअँड.जितेद्र पवार, काँग्रेस पक्षाचे उमरखेड नप चे माजी सभापती शैलेश मुंगे,काँग्रेस कमिटीचे जिल्हा उपाध्यक्ष तथा पुसद नगरपालिकेचे माजी सभापती अजय पुरोहित, महागाव तालुका सरपंच संघटनेचे अध्यक्ष टेम्भी येथील सरपंच अमोल चिकने, पोहांडुळ सरपंच दिनेश पाटील रावते,करंजी सरपंच तात्याराव वानखेडे,धारमोहा सरपंच विकास जाधव,दहीसावळी सरपंच संतोष कोरके, राजुरा सरपंच गजानन बुडाळ, राहुर सरपंच राजू पाटील कदम, काळी (टेम्भी) येथील सरपंच दिगंबर राजने यांचेसह महिला सरपंच गुंज येथील सरपंचा सौ.पुष्पा कांबळे, शंभर टक्के आदिवासी बहुल असलेले मलकापूर येथील सरपंचा सौ. मनाबाई जगदीश रणमले, वरोडी येथील सरपंचा सौ.गायत्री दत्तराव शिंदे, डोंगरगाव येथील सरपंचा सौ.अर्चना वारकड या 15 सरपंचानी आपापल्या ग्रामपंचायत हद्दीतील भविष्यकालीन विकासात्मक दृष्टिकोन हेरून भारतीय जनता पक्षात प्रवेश केला आहे.
महागाव तालुक्यातील माजी सभापती व तब्बल पंधरा सरपंचांसह सरपंच संघटनेच्या तालुकाध्यक्षानी येन निवडणुकीच्या तोंडी कमळ हाती धरल्याने शिवसेना-काँग्रेस पक्षास मोठे खिंडार पडल्याची चर्चा उमरखेड विधानसभा मतदारसंघात आता रंगू लागली आहे.

बॉक्स- पंतप्रधान नरेंद्र मोदी, उपमुख्यमंत्री देवेन्द्र फडणवीस व प्रदेशाध्यक्ष चंद्रशेखर बावनकुळे यांचे नेतृत्वावर विश्वास ठेवून भाजपाच्या ध्येय धोरण,विचारधारेशी एकरूप झालेल्या नवं पक्ष प्रवेशीतांना पक्षात योग्य तो न्याय व सन्मान दिला जाईल असे प्रतिपादन यवतमाळ-पुसद चे समन्वयक तथा माजी जिल्हाध्यक्ष नितीन भुतडा यांनी प्रसिद्धी पत्रकाद्वारे कळविले आहे.

Google Ad
Google Ad

Leave a Reply

Your email address will not be published. Required fields are marked *

error: Content is protected !!