दराटी पोलीस स्टेशन कडुन प्रजासत्ताक दिनानिमित्त पोलीस पाटील लक्ष्मणराव नाईक सन्मानपत्र देऊन गौरव उमरखेड –

दराटी पोलीस स्टेशन कडुन प्रजासत्ताक दिनानिमित्त पोलीस पाटील लक्ष्मणराव नाईक सन्मानपत्र देऊन गौरव

उमरखेड –
यवतमाळ जिल्हा पोलीस प्रशासनाच्या माध्यमातून राबविण्यात आलेल्या उपक्रमा अंतर्गत दराटी पोलीस स्टेशन कडून प्रजासत्ताक दिनाचे औचित्य साधुन ग्राम बोरगांव व अतिरिक्त प्रभार असलेले ग्राम घमापुर येथील पोलीस पाटील लक्ष्मणराव हनवंतराव नाईक यांना त्यांच्या ऊत्कृष्ट व जबाबदार सेवेसाठी द्वितीय क्रमांकाचे पदक व प्रशस्तीपत्र देवुन गौरवण्यात आले,
सन 2016 पासून पोलीस पाटील पदावर कार्यरत असतांना लक्ष्मणराव नाईक यांनी बोरगांव व घमापुर येथील नागरिकांशी सतत संपर्क साधुन गणेश उत्सव, दुर्गा उत्सव, महापुरुषांच्या जयंती, निवडणुका,पुरस्थिती,कोरोना महामारी, शेतकरी आत्महत्या यांचे योग्य नियोजन करणे, व विविध सण कायदा व सुव्यवस्था अबाधित ठेवून शांततापुर्ण व्हावेत म्हणून मोलाचे योगदान दिले, हद्दीत कोणताही अनुचित प्रकार घडु न देता त्यांनी वेळोवेळी तत्कालीन ठाणेदार व बिट अमलदारांशी समन्वय साधून ऊत्कृष्ट कर्तव्य बजावले, त्यांच्या या उल्लेखनीय कामगिरी ची दखल घेत पोलिस स्टेशन दराटी चे ठाणेदार प्रसेनजित चंद्रकांत जाधव यांच्या हस्ते प्रशस्तीपत्र व पदक प्रदान करण्यात आले,या गौरवामुळे ग्राम बोरगांव व घमापुर येथील परीसरात आनंदाचे वातावरण असुन पोलीस पाटील लक्ष्मणराव नाईक यांचे ग्रामस्थांकडून अभिनंदन करण्यात येत आहे.