उन्हाळ्यात रानमेवा ‘चारोळी’ची बाजारात लगबग उमरखेड

उन्हाळ्यात रानमेवा ‘चारोळी’ची बाजारात लगबग

उमरखेड
सध्या उन्हाळा सुरू आहे राणमेवा ग्रामीण भागात रानमेव्यांची रेलचेल वाढते. त्यात ‘चारोळी’ (चिरौंजी) हा एक महत्त्वाचा आणि पौष्टिक रानमेवा म्हणून ओळखला जातो. सध्या बाजारपेठांमध्ये चारोळीची मागणी वाढली असून, विक्रेत्यांमध्येही उत्साहाचे वातावरण दिसून येत आहे.
चारोळी ही प्रामुख्याने जंगलातील झाडांवरून मिळणारी बियाणे असून, तिचा वापर विविध गोड पदार्थांमध्ये, विशेषतः श्रीखंड, हलवा, लाडू आणि खीर यामध्ये मोठ्या प्रमाणावर केला जातो. तिच्या चवीसोबतच आरोग्यासाठीही ती फायदेशीर मानली जाते. प्रथिने, जीवनसत्त्वे आणि खनिजे यांचा समृद्ध स्रोत असल्याने चारोळीचा आहारात समावेश करण्यास तज्ज्ञही सुचवतात.
ग्रामीण भागातील शेतकरी वर्गासाठी चारोळी गोळा करणे हा एक महत्त्वाचा उत्पन्नाचा स्रोत ठरतो. उन्हाळ्याच्या दिवसांत ते जंगलातून चारोळी गोळा करून स्थानिक बाजारात विक्रीसाठी आणतात. त्यामुळे त्यांना अतिरिक्त आर्थिक मदत मिळते.
दरम्यान, यंदा हवामान अनुकूल असल्यामुळे चारोळीचे उत्पादन चांगले झाल्याचे व्यापाऱ्यांचे म्हणणे आहे. त्यामुळे बाजारात पुरवठा वाढला असून, ग्राहकांना तुलनेने परवडणाऱ्या दरात चारोळी उपलब्ध होत आहे.
एकूणच, उन्हाळ्यातील हा रानमेवा केवळ चवदारच नाही तर ग्रामीण अर्थव्यवस्थेलाही हातभार लावणारा ठरत आहे.